د مسلمان په ژوند کي د عبادت ښې پایلي

الله تعالی انسان او پیریانان یوازي د دې لپاره پیدا کړي دي چي پخپل عبادت ئې امر کړي او د غیرالله د عبادت او بندګۍ څخه ئې راوګرځوي، ددې لپاره چي انسانان د الله تعالی عبادت په شوق او ذوق وکړي نو الله تعالی د عباداتو د تر شا ځیني ښې پایلي او غوري نتیجي هم پیدا کړي دي چي په کولو سره ئې انسان د دنیا او اخرت د خوشحالیو او نیکمرغیو مستحق ګرځي او الهي لویه رضاء ور نصیب کیږي، نو پدې کتاب کي د ځينو عباداتو و ښو نتیجو او ګټو ته شاره سوې ده چي په قرانکریم او احادیثو کي ئې یادونه سوې ده، نو ستاسو مسلمانانو څخه مي غوښتنه ده چي دا کتاب یو وار خامخا مطالعه کړئ تر څو د ځینو عباداتو په حکمتونو او غورو پایلو خبر سئ. جزاکم الله خیرا. په درنښت شکرالله رسولي