د باره بستي پښتانه

د هندوستان د يو- پي په صوبه کې د گنگا سيند په غاړه د دولسو کليو اوسېدونکي د خيبر پښتونخوا د بازيد خېلو پښتانه دي. دوي ته د مغل باچا جهانگير له خوا هلته زمکې ورکړې شوې او دهند د وېش پورې هم د ودونو او خپلوانو ليدو لپاره پېښور ته ورتلل. هغه کلي اوس په وړو ښاريو اوختي دي خو د ځينو خلکو ژوند ژواک پکې د پښتونخوا د کلو بانډو نه دېر توپير نه لري. دوي خپله ژبه هېره کړې ده خو بيا هم د خپل شناخت لپاره په پښتون کېدو وياړي. دا کتاب په ۲۰۱۱ م کې د دانش خپرندويه ټولنې له خوا په پېښور کې چاپ او خپور شو. د هند نه د ځينو ملگرو دا غوښتنه وه چې بايد د دې لږۍ په ټولو کتابونو يوه سريزه په انگرېزي کې هم وي. هم دا وه چې د دې کتاب په سر کې مو د انگرېزي ژبې سريزه شامله کړه.