د شپې مطالعه ساده نه ده....

د شپې مطالعه ساده نه ده...دا یعنې له ستړیا، خستګي، فشار، او ستومانتیا سره مبارزه کول. یعنې داسې وخت کې لوستل، چې نړۍ ویده ده، خو ته ویښ یې — د خپلو هیلو د تحقق لپاره.ته مطالعه کوې، ځکه ستا خوبونه دومره کوچني نه دي چې یوازې د ورځې آسانو شیبو ته محدود وي. ستا موخې دومره سترې دي، چې د شپې چوپتیا ته هم اړتیا لري.هره پاڼه چې د خوب پر ځای اړوې، یو قدم دې د بریا خوا ته رسوي. همدا قربانۍ دي چې سبا به پرې ویاړې! نو دوام ورکړه، ځکه ستا خوبونه د خوب نه، بلکې د بیدارۍ ارزښت لري.