هغه ټوپک چي ۱۳۵ کاله وروسته هم ځیني ځایونه کاریږي‼

هغه ټوپک چي ۱۳۵ کاله وروسته هم ځیني ځایونه کاریږي‼ موسین نګنت توپک، یو روسی بولټ اکشن ټوپک دی، چي په کال ۱۸۹۱م کي د یو روسي افسر چي "سرجي موسین" نومیدی، د بیلجیمي وسلې جوړونکي "لیو نګنټ" د ډیزاینونو پر بنسټ ډیزاین او تولید کړ. وروسته بیا دا توپک د شوروي اتحاد او دوی ته نژدي نورو هیوادونو لخوا د لسګونو کلونو لپاره وکارول سو. دغه توپکونه د پنځه مرمیو ظرفیت لرونکي میګزین لری، او بولټ اکشن توپک دی، یاني ګاز اوپېریټیډ نه دی، کله چي ټک "ډز" ورباندی وکړې، باید په خپله د ټوپک ګېټ شاته کش کړې، ترڅو پوچک بهر راووزي، او میل ته بله مرمۍ سمه سي. د دغه توپک وزن تر ۴ کیلوګرامه پوری رسیږي، او که چیري یې میګزین ډک وی، بیا یې وزن نور هم اضافه کیږي. د اغیزمنو ډزو سرعت یې تر ۵۰۰ متره پوري رسیږي خو که چیري سکوپ هم ورته نصب کړل سی، بیا یې د نښي دقت تر ۸۵۰ مترو پوری رسیږي. موسین نګنت ټوپک هم په لومړۍ او هم دوهمه نړیواله جګړه کي د شوروي ځواکونو لخوا وکارول سو، د مرمۍ اندازه یې "7.62×54mmR" ده یعني پيکا او موسین دواړه یو ډول مرمي کاروي، توپیر یې دادی چي پیکا اتومات او په زیات شمیر ډزی کوی خو موسین پنځه مرمۍ په میګزین کي ځایوي. په دوهمه نړیواله جګړه کي شوروي ځواکونو دغه وسله په دوه شکله کارول. یو یې ساده نسخه وه چي بغیر د سکوپ څخه کاریدله، او دوهمه نسخه یې سکوپ لرونکې وه چي د سنایپر او لیري نښې لپاره ډیره موئثره تمامیدل. جالبه خو داده چي د روسیې - اوکراین په جګړه کي اوس هم داسي ویډیوګاني راغلې، چي ځینو روسي سرتیرو همدا پخواني موسین نګنت توپک د دښمن په وړاندي کاراوه 😜 موسین نګنت توپک د دوهم نړیوال جنګ په دوران کي په میلیونونو شمیر تولید کړل سو، ځکه چي تولید یې ډیر ارزان و، په سختو شرایطو، یخني، او هرډول موسم کی یې ښه کار کاوه، ډیر کلک و، د نښي ویشتلو لپاره بهتر او دقیق و. د موسین نګنت استعمالونکو سرتیرو به تل دا ویل چي موسین یعني ساده، کلک، او د باور وړ.یادونه: دا پوسټ یوازي یو مالوماتي بڼه لري. یادونه۲: انځور په مصنوعي ځیرکتیا جوړ سوي دي، او مالومات له ګوګل او مختلفو ویب سایټونو راټول سوي دي. ریس خادیم🌹