«معیوب» او «معلول» ترمنځ توپیر!

«معیوب» او «معلول» ترمنځ توپیر! د دوی ترمنځ په توپیر پوهېدئ!؟د یؤ شمېر لوستو وګړو په لیکنو او ویناوو کې لولم او اورم چې دغه دوې کلمې د یؤ او بل پر ځای کاروي؛ په داسې حال کې چې د دغو دوو کلمو ترمنځ لوی مانیز او جولیز توپیر شته دی. راځئ! چې په دې لیکنه کې یې توپیر تشریح کړو.معیوب عربي کلمه ده چې د «عیب» له کلمې څخه اخیستل شوې ده او هغه چاته ویل کېږي چې له پیدایښته (طبیعي ډؤل) یې د بدن کوم غړی، لکه: سترګه، لاس، پښه، غوږ او ... ناقص یا نیمګړی وي. معلول معلول هم عربي کلمه ده چې له «علت» کلمې څخه اخیستل شوې ده او هغه چاته ویل کېږي چي د یوې پيښې له امله ورته فزیکي زیان رسېدلی وي، لکه: ترافیکي پېښو، طبیعي پیښو ( سېلاب، زلزله، غر ښویېدنه او...) د درملو کارولو له امله، د شخړو او جګړو له امله یې د خپل بدن کوم غړی/ غړي، لکه: سترګه، لاس، پښه، غوږ او... له لاسه ورکړې وي.پورتني توپیر ته په کتو پکار ده، چې هره کلمه پر خپل ځای سمه ورکارول شي، ترڅو خپل مفهوم په ښه جولې ارایه کړي.