افغانستان په مستقيمه توګه د 2027م کال د يوورځنيو لوبو نړېوال‌جام کې؟ 😍

د کرکټ مشهورې رسنۍ، کرېک‌انفو خبر ورکړی چې راتلونکي پنځوس‌اووريز نړېوال‌جام ته د درجه‌بنديو په اساس د مستقيم تګ وروستی تاريخ د سږ کال سېپټمبر مياشت ده.سويلي‌افريقا او زېمبابوې د کوربه په توګه؛ او 8 نورې لوبډلې به د درجه‌بنديو په اساس ياد نړېوال‌جام ته ورسېږي، څلور نورې له غوراوي پړاو وروسته.افغانستان اوس‌مهال د يوورځنيو لوبو په درجه‌بنديو کې 8م مقام لري، تر سېپټمبر مياشتې يوازې له آيرلنډ سره د پنځه يوورځنيو لوبو سيريز پلان شوی، د افغانستان اتم مقام سره په راتلونکي نړېوال جام کې د افغانستان شتون یقیني دی، بل‌خوا سويلي‌افريقا چې د ټورنمنټ کوربه ده او په مستقیمه توګه د نړېوال‌جام برخه ده، د يوورځنيو لوبو د لوبډلو درجه‌بنديو کې په څلورم مقام ده چې دا لا د افغانستان تګ ډاډمنوي، په نهم مقام بنګله‌دېش دی خو د بنګله‌دېش او افغانستان د نومرو توپير شته، حتا که افغانستان نهم مقام ته هم وغورځي ښايي افغانستان په مستقيمه توګه دې نړېوال‌جام ته ورسېږي#ACA | #AfghanistanCricket | #Cricket |