انسانيت دې وساته، خو خپل ارزښت هم وپېژنه

ژوند کې مې تل هڅه کړې چې له خلکو سره ښې اړیکې جوړې کړم، خو هېڅکله مې د چاپلوسۍ لاره نه ده غوره کړې. له هر چا سره به مې په موسکا، درناوي او ښه چلند خبرې کولې، خو له بده مرغه ځینو کسانو زما د ښه نیت او انسانیت ناسمه ګټه پورته کړه. ځینو به ځان تر نورو لوړ ګاڼه او داسې چلند به یې کاوه، لکه د نورو درناوی چې ارزښت ونه لري.د همدې تجربو له امله دې پایلې ته رسېدلی یم چې انسان باید تر هر څه وړاندې پر خپل ځان کار وکړي او د خپل ځان تر ټولو ښه ملګری واوسي. خو دا هم مهمه ده چې د ځان ساتنه د غرور مانا نه لري. انسان باید د خپل عزت او ارزښت خیال وساتي، خو په عین وخت کې خپل انسانیت او عاجزي هم له لاسه ور نه کړي.ژوند راته وښوده چې ښه چلند، ښه اخلاق او پاک نیت ارزښت لري، خو له هغو سره باید ځان پېژندنه، متوازن چلند او د خپلو حدودو ساتنه هم مل وي. همدا توازن انسان ته شخصیت او ریښتینی درناوی وربخښي.#bilalahmadzai #ځان #ارزښت #عاجزي #انسانيت