انسانیت دې ته وايي

د سینما په تاریخ کې تر ټولو مشهور کومیډي چارلي چاپلېن وایي : کله چې ماشوم وم، له خپل پلار سره د سرکس لیدو ته لاړم، د ټکټ لپاره په اوږده لیکه کې ودرېدم، زموږ مخې ته یوه مېرمن او خاوند له شپږو بچو سره ولاړ وو. د بېوزلۍ او غریبۍ اثار پرې ښکارېدل، زړې جامې یې پر تن وې، خو پاکې وې.ماشومان یې ډېر زیات خوشاله وو، د سرکس په اړه یې خبرې کولې، د دوی نوبت چې راورسیده، پلار یې د ټکټ کړکۍ ته نیږدې شو، د ټکټوتو د نرخ پوښتنه یې وکړه، کله چی یې نرخ ورته ووایهٔ وارخطا شو، خپلې مېرمن ته یې غلي څه وویل!پلار مې له جیب نه شل ډالر راوویستل، په ځمکه یې وغورځول، بیا پسې ورټیټ شو، راوایې خیستل، د سړي په اوږه یې لاس کېښود، بیا یې ورته وویل: پیسې دې وغورځېدې! سړي مې پلار ته وکتل، سترګې یې له اوښکو ډکې شوې، ورته یې وویل: مشره مننه!کله چې دوی ننوتل، پلار مې له لاس نه راکش کړم، له قطار نه راووتو، پلار مې له هم دغه شلو ډالرو پرته نورې پیسې نه لرلې!له همدغې ورځې راهیسې مې په پلار ویاړم، دا مې په ژوند کې تر ټولو خوږه ننداره وه، تر هغه سرکس هم خوږه وه چې ومې نه لیدهٔ!زهٔ تل په دې باوري یم چې په عملي توګه تربیه له تیورۍ نه غوره ده.#چارلي_چاپلېن #سرکس #ټکټ #پیسي #فدا_کاري