اوس نه پوهیږم چې دا جهالت دی که مجبوریت؟

داسې عجیبه مو کله اوریدلې ده!؟ پرون په یو سراچه موټر کې تابوت ایښی و او یو تن ورسره په مخکې سیټ کې ناست خو هیڅ کوم خفګان یی په مخ کې نه خکاریده، ورنه مو پوښتنه وکړه چې الله ج دې خېر کړي څوک وفات شوي؟ وایل نه مړه الله ج دې څوک نه وفات کوي دا تابوت مو په کرایه راوړې دی! مال څنګه او څه لپاره؟ وایل زما ورور په اروپا کې د قبولیت کېس اچولی او هغوي په قبولیت کېس کې زما په اړه ورته وایلي چې دا زما ورور و، او نا پیژانده وسلوالو وژلی دی،،هغوي ترې د مړینې انځورونه ثبوت په ډول غوښتي نو اوس ما دغه تابوت راوړی کفن او مالوچ هم دي ورسره،خپلوان او ملګري مې هم راټول کړي تر څو داسې انځورونه پکې واخلم چې زه مړ خکاره شم او د ورور کېس مې پاس شي. اوس نه پوهیږم چې دا جهالت دی که مجبوریت