ایا د وینې فلم کولای شي د سرطان او کمخونۍ بشپړ تشخیص وکړي؟

ایا د وینې فلم کولای شي د سرطان او کمخونۍ بشپړ تشخیص وکړي؟ د وینې فلم یوه مهمه معاینه ده چې د وینې د حجرو شکل او اندازه ښيي، خو باید دا خبره په واضح ډول وپېژنو: یوازې د وینې فلم د سرطان او یا هم د کمخونۍ (انیمیا) قطعي تشخیص نه شي کولی. ولې؟ ځکه چې د ډېرو انیمیاوو بڼه په وینې فلم کې سره ورته ښکاري او یوازې د ظاهري شکل له مخې یې دقیق توپیر ستونزمن وي. هغه انیمیاګانې چې یو له بل سره ورته والی لري: 1. ویټامین B12 کمښت 2. فولیک اسید کمښت 3. د اوسپنې کمښت کمخوني 4. تالاسیمیا 5. د مزمنو ناروغیو کمخوني 6. سیدروبلاستیک انیمیا 7. هیمولیتیک انیمیا 8. اپلاستیک انیمیا د بېلګې په توګه: ځینې انیمیاګانې (لکه د اوسپنې کمښت او تالاسیمیا) دواړه کوچنۍ (microcytic) حجرې ښيي، او ځینې نورې (لکه B12 او فولیک اسید کمښت) لویې (macrocytic) حجرې ښيي — نو یوازې د فلم پر اساس پرېکړه کول دقیق نه دي. د سرطان په برخه کې هم ورته ستونزه شته: کله ناکله د وینې فلم کې داسې بدلونونه ښکاري چې د وینې سرطان شک پیدا کړي، خو دا لا هم وروستۍ پرېکړه نه ده. نو دقیق تشخیص څنګه کېږي؟ د بشپړ او باور وړ تشخیص لپاره لاندې معاینات ډېر مهم دي: CBC 1 ټیسټ .2ویټامین B12 ټیسټ .3فولیک اسید ټیسټ .4سیرم فیرټین ټیسټ Iron profile .5 Reticulocyte count .6 Hemoglobin electrophoresis .7 Bone Marrow .8معاینه LDH .9ټیسټ د وینې فلم یوازې یو لارښود دی، نه وروستۍ فیصله. د ډېرو انیمیاوو ترمنځ ورته والی د دې لامل کېږي چې یوازې په همدې معاینه بسنه کول د غلط تشخیص خطر زیات کړي. د دقیق تشخیص لپاره تل د متخصص ډاکټر په مشوره بشپړې لابراتواري معاینې ترسره کړئ، ځکه سم تشخیص د سمې درملنې بنسټ دی.