د «و» «وه» «وو» «ول» او «وې» کارؤنه!د دوی ترمنځ په شته توپیر پوهېدئ

( څو ملګرو د یادې سکالو اړوند بار ـ بار د لیکنې غوښتنه وکړه، مال راځه د نن ماښام درس دې همدا شي)ّ★ یو واو «و»: د نرینه مفرد لپاره کارول کېږي، چې د دري ژبې «بود» یې معادل دی. بېلګې: ـ استاذ اسد الله غضنفر د کابل پوهنتون استاذ و. ـ نصرت اتل په پکتیا پوهنتون کې زدکړیال و. ـ طارق عزیز صدیقي یو وخت ویاند و. ـ عادل اند پرون پوهنتون ته تللی و.★ یو واو او هې «وه»: د ښځینه مفرد کس لپاره کارول کېږي چې د دې معادل هم د دري ژبې «بود» دی. بېلګې: ـ فرزانه زیار د ننګرهار پوهنتون استاذه وه. ـ ملاله کلیواله لغمان شریف ته تللې وه. ـ کامله عزیزي ښه شاعره وه.★ دوه واوونه «وو»: د جمع نارینوو لپاره کارول کېږي چې د دري ژبې «بودند» یې معادل دی. بېلګې: ـ Wesa Khan او عبدالواجد زما ملګري وو. ـ هلکان ښوونځي ته راغلي وو. ـ څو تنه سړیان ښار ته تللي وو.★ یو واو او لام «ول»: دا هم په ځینو پښتو ګړدودونو کې د جمع نارینوو لپاره کارول کېږي. بېلګې: ـ هلکان راغلي ول. ـ څو تنه سړیان ښار ته تللي ول. ـ هغوی توتان خوړلي ول.★ یو واو او اوږده یا «وې»: د ښځینه جمع لپاره کارول کېږي چې د دري «بودند» یې معادل دی. بېلګې: ـ وږمه او هوسۍ روغتون ته تللې وې. ـ څو تنه انجونې کابل ته راغلې وې. ـ زما خویندې مدرسې ته تللې وې.