د استرالیا د برېزبېن ښار د St John’s Cathedral مشر

د استرالیا د برېزبېن ښار د St John’s Cathedral مشر، ډین پیټر کټ، وروسته له هغې له خپلې دندې استعفا وکړه چې د هغه د کلیسا د عبادت کوونکو، په ګډون د ماشومانو، ویډیوګانې د لویانو لپاره په یوه مستند کې خپرې شوې. پیټر کټ اجازه ورکړې وه چې د شاوخوا ۱۲۵ کلنې انګلیکن کلیسا دننه د یوې تلویزیوني لړۍ لپاره فلمبرداري وشي. نوموړي فکر کاوه چې یوازې د ده مرکه او ګډون به ثبتېږي او د عبادت کوونکو د فلم اخیستلو موضوع ورته نه وه روښانه شوې. خو وروسته د Turned On: Dirty S*xy Money په نوم شپږ برخیز مستند کې د هماغې ورځې د کلیسا د خلکو او ماشومانو صحنې هم خپرې شوې. په یوه برخه کې د لویانو د محتوا جوړونکې Lily Phillips له ډین پیټر کټ څخه د خپل تېر کار په اړه د ګناه، توبې او بدۍ د پرېښودلو پوښتنه کوي، او وروسته دواړو په کلیسا کې د مذهبي مراسمو یوه برخه، Communion، هم ترسره کړه. له پېښې وروسته، پیټر کټ له برېزبېن له ارچبېشپ Jeremy Greaves سره له مشورې او یوې مودې فکر وروسته خپلې ټولنې ته استعفا ولیکله او د پېښې بشپړ مسؤلیت یې ومانه. د مستند جوړونکو هم خپله تېروتنه ومنله او ویل شوي چې د کلیسا د خلکو څېرې یې له خپرې شوې ویډیو څخه پټې یا ځینې صحنې یې لرې کړې دي. #StJohnsCathedral #LilyPhillips #AustraliaNews #Documentary #BrightMedia