د امریکايي عسکرې جاسوسي ناول 52برخه

د مرستو د وېش له بشپړېدو درې ورځې وروسته، میشل او سونیا د بېرته ستنېدو لپاره چمتو شول. له تګ مخکې یې ما، کیوي او عبدالله ته د مرکز له خوا را استول شوي مهم معلومات او وسایل وسپارل. کله چې موږ ټول په ارامه فضا کې سره راټول شوو، میشل یوه مهر شوې دوسیه زما مخې ته کېښوده او ویې ویل: "دا ټول معلومات د مرکز له وروستیو څېړنو څخه دي. په دقت یې ولولئ، ښايي ستاسو د ماموریت په راتلونکو پړاوونو کې مهم رول ولوبوي. سونیا هم یوه کوچنۍ فلزي بکس راواخیست او ویې ویل: "په دې کې ځینې اړین وسایل شته؛ څو اضافي برېښنايي وسایل او هغه حافظې چې د وروستیو الوتنو ویډیوګانې پکې ثبت شوې دي." تر هغه وروسته مو د ډرونونو ثبت شوې ویډیوګانې وکتلې. په ځینو برخو کې د غرنیو لارو، درو او تګ راتګ نښې تر سترګو کېدې. که څه هم ویډیوګانو هر څه په بشپړ ډول نه ښودل، خو زموږ د مخکېنیو راپورونو له ځینو برخو سره یې ورته والی درلود. وروسته میشل یوه بله دوسیه راوسپړله ويې وویل: "د مرکز د معلوماتو له مخې، د آی اېس آی یو تجربه‌کار جاسوس له څه مودې راهیسې په همدې سیمه کې د پټې شبکې د همغږۍ لپاره فعالیت کوي. د هغه د هویت او اړیکو په اړه ځینې لومړني معلومات راټول شوي، خو لا هم بشپړې څېړنې ته اړتیا شته. هغه کس د حاجی برکت کسانو ته معلومات او لارښوونې ورکوي، او په عينې وخت کې په افغان دولت کې خپلو اجنټانو ته لارښونې کوي. ددې ترڅنګ نورو ډلو سره هم اړيکې ساتي خطا دامريکا او ناټو د ځينو هېوادونو د استخباراتو سره مالومات شريکوي... کیوي دوسیه په غور ولوسته او ویې ويل: نور بیا...