د امریکا ولسمشر ډونالډ ټرمپ د چهارشنبې په ورځ خبریالانو ته وویل

د امریکا ولسمشر ډونالډ ټرمپ د چهارشنبې په ورځ خبریالانو ته وویل چې امریکایان باید تمه ولري چې د تېلو او ګازو لوړې بیې به د نومبر تر ۳مې، یعنې د منځمهاله ټاکنو تر ورځې پورې دوام وکړي. ټرمپ وویل چې د ټاکنو له پای ته رسېدو سمدستي وروسته به د تېلو بیې په چټکۍ راټیټې شي. هغه زیاته کړه چې تمه لري له ټاکنو وروسته د پټرولو بیه په هر ګیلن کې له ۲ ډالرو څخه هم کمه شي. په همدې ورځ د خامو تېلو بیه شاوخوا ۱۰۱ ډالرو پر بېرل ورسېده، چې د امریکا او ایران ترمنځ د زیاتېدونکو ترینګلتیاوو له امله د تېلو په بازار کې فشارونه زیات شوي دي. د ۲۰۲۶ کال له پیل راهیسې امریکا له خپلو ستراتیژیکو تېلو زېرمو څخه له ۱۰۰ میلیونو بېرلو څخه ډېر تېل ایستلي دي. ټرمپ تېره اوونۍ د ایران جګړه «کوچنۍ موضوع» بللې وه. #DonaldTrump #OilPrices #GasPrices #IranWar #BrightMedia