د بدن غړي ناڅاپه نه کمزوري کېږي

د بدن غړي ناڅاپه نه کمزوري کېږي، بلکې دا یو خاموش او تدریجي بهیر دی چې د وخت په تېرېدو سره د بدن پر روغتیا اغېز کوي. ډېری خلک هغه وخت متوجه کېږي چې کمزوري لا څرګنده شوې وي.🔹 ناسم ژوندانه طرز بې‌وخته خواړه، کم خوب، اوږده ناسته او د فزیکي فعالیت نشتوالی په ورو ورو زړه، ځیګر، پښتورګي، معده او اعصاب کمزوري کوي.🔹 د غذایي موادو کمښت د پروټین، اوسپنې، ویټامین ډي، ویټامین B12، مګنیزیم او زنک کمښت د بدن پر مهمو غړو ناوړه اغېز کوي.🔹 رواني فشار او زیات فکر دوامدار ذهني فشار د هورمونونو توازن ګډوډوي او پر زړه، معدې، کولمو او پښتورګو منفي اغېز کوي.🔹 د درملو بې‌ځایه استعمال د درد ضد درملو، انټي‌بیوټیکونو، د خوب ګولیو او سټیرویډونو ناسم استعمال د ځیګر او پښتورګو د کمزورۍ لامل کېدای شي.🔹 د اوبو کم استعمال کافي اوبه نه څښل د پښتورګو، مثانې، وینې او حتی دماغ پر فعالیت اغېز کوي او د زهرجنو موادو د راټولېدو سبب ګرځي.🔹 د خوب ګډوډي ناکافي خوب بدن ته د بیا رغونې فرصت نه ورکوي او د زړه، دماغ او اعصابو فعالیت کمزوری کوي.🔹 د عمر له زیاتېدو سره بې‌پامي د عمر په لوړېدو بدن لا زیاتې پاملرنې، ښه تغذیې او مناسب استراحت ته اړتیا لري.⚠️ د بدن مهمې نښې: پرله‌پسې ستړیا، سستي، بدهضمي، سپک درد، ساه لنډي او د زړه نارامي هغه نښې دي چې باید له پامه ونه غورځول شي.✅ که پر وخت سالمه غذا، کافي خوب، ذهني ارامتیا او منظم حرکت خپل کړئ، د بدن غړي کولی شي خپله روغتیا او ځواک وساتي. ریس خادیم🌹