د ستوني د درد لاملونه او تشخيص يې!

د ستوني درد؛ عادي ستونزه که د جدي ناروغۍ نښه؟د ستوني درد یوازې یو عادي درد نه دی، بلکې کله ناکله د بدن د پټو انتاناتو، التهاب او یا هم د تنفسي ناروغیو مهمه نښه کېدای شي. دا ستونزه د ماشومانو او لویانو دواړو کې لیدل کېږي او که پر وخت تشخیص او سمه درملنه ونه شي، ممکن جدي عوارض رامنځته کړي.د ستوني درد مهم لاملونه: د ستوني التهاب (Pharyngitis): د ستوني سوروالی، درد او پړسوب رامنځته کوي. وایرسي او باکتریایي انتانات: لکه زکام، انفلونزا یا د ستوني بکتریایي میکروبونه. الرجی او دوړې: د حساسیت له امله د ستوني خارښت او درد پیدا کېږي. سړه هوا او د هوا بدلون: د ستوني حساسیت او وچوالی زیاتوي. د ستوني وچوالی او چاپېریالي عوامل: لکه دوګ، ککړه هوا او ډېر یخ یا ګرم څښاک.هغه نښې چې باید جدي ونیول شي: شدید درد یا د خوراک په تېرولو کې ستونزه تبه او د بدن کمزوري د غاړې پړسوب یا د غدو غټېدل اوږدمهاله یا تکراري د ستوني درد د غږ بدلون یا د ساه اخیستلو ستونزهد دقیق تشخیص لپاره مهم معاینات: CBC Test (د وینې عمومي معاینه): د انتان او التهاب معلومولو لپاره CRP / ESR: د بدن د التهاب اندازه معلوموي Throat Swab / Culture: د ستوني د میکروب یا بکتریا تشخیص ASO Test: د ستریپټوکوکل انتان معلومولو لپاره Thyroid Function Tests (TSH, T3, T4): که د ستوني پړسوب یا د تایرایډ ستونزه موجوده ويژر تشخیص = اغېزمنه درملنه د ستوني دوامدار درد هېڅکله عادي مه ګڼئ؛ پر وخت معاینه کولی شي د جدي ستونزو مخه ونیسي او درملنه اسانه کړي.