د پلار نصیحت زوې ته

د پلار نصیحت زوې ته:زويه! په ژوند کې دا دری کارونه حتمن وکړه! تر ټولو ښه غذا وخوره، تر ټولو آرام ځای کې خوب وکړه او تر ټولو ښه کور کې ژوند وکړه! زوی یې ورته وویل: پلاره! موږ خو غریب یوو؛ دا هر څه به څنګه ممکن شي؟ پلار یې ورته وویل: ته چې کله په رښتیا د ولږې احساس وکړې؛ په دې وخت کې چې ته هر څه وخورې هغه به تا لپاره تر ټولو ښه غذا وي. کله چې ته ډېر کار وکړې او ښه ستومانه شې؛ له ستومانۍ وروسته چې ته په هر ځاې کې د خوب په موخه څملې؛ هغه به تا لپاره تر ټولو آرامونکی ځای وي. او کله چې ته د خلکو سره په مهربانۍ او ورین تندي چلند کوې؛ نو د هغوی په زړونو کې ځای پیدا کوې او د خلکو په زړونو کې اوسیدل؛ د تر ټولو عالي کور د اوسیدلو څخه هم څو چنده زیات وي .!