عبرت ناکه کيسه

عبرت ناکه کيسه : یوه ماشوم په خپلو دواړو لاسونو کې یوه یوه مڼه نیولې وه.پلار یې ورته وویل: «زویه! یوه مڼه ماته راکړه.»ماشوم چې دا واورېدل، نو سمدستي یې یو مڼې ته غاښ ورکړ.او تر دې مخکې چې پلار یې څه ووايي، دویمه مڼه یې هم وچیچله. د زوی دې کار د پلار زړه بد کړ، له مخ نه یې موسکا لاړه. خو ناڅاپه زوی خپل ښي لاس کې مڼه پلار ته وړاندې کړه او ویې ویل: « ابا دا واخلئ ، دا ډېره خوږه ده! »موږ کله کله د حالاتو او خبرو د بشپړ درک هڅه نه کوو او ټولې بدګمانۍ له همدې ځایه پیلېږي، دا هم د ډېرو ستونزو ریښه ده .!#نوټ : زوی مڼه په دې خاطر چیچلي وه ، چې د پلار لپاره د مڼې خوږوالی معلوم کړي او ښه مڼه پلار ته ورکړې .!