عجبه پیښه

سانجو بهګت د هند د ناګپور اوسېدونکی و چې د ډېرو کلونو لپاره یې ګېډه په غیرعادي ډول لويه وه او خلک به فکر کاوه چې ګواکې حامله دی. په ۱۹۹۹ کال کې د هغه حالت دومره خراب شو چې پر سږو یې فشار راوړ او ساه اخیستل ورته ستونزمن شول.ډاکټرانو لومړی فکر کاوه چې په نس کې یې لوی تومور دی، خو د عملیاتو پر مهال یې حیرانوونکې موندنه وکړه: د هغه په نس کې د یو نیمګړي دوه‌ګوني جنین پاتې شوني موجود وو، چې هډوکي، وېښتان او د بدن ځینې برخې یې لرلې.دې نادر حالت ته Fetus in fetu ویل کېږي، چې هغه وخت رامنځته کېږي کله چې یو دوه‌ګونی جنین د بل د بدن دننه پاتې شي. له عملیاتو وروسته د سانجو ګېډه عادي شوه او د ساه اخیستلو ستونزه یې هم ښه شوه.