غوسه

وایي، یوه ورځ یو مار د نجار دوکان ته ننوت. کله چې پورته مېز ته وخوت، هلته پاس اره وه. مار د ارې له یوې غاښ سره ولګېد او خوږ شو. د ډېرې غوسې له امله، مار وغوښتل له ارې څخه غچ واخلي، نو پرې تاو شو او حمله یې پرې وکړه. خو نتیجه دا شوه چې ارې مار لا نور هم ژوبل کړ، او بلاخره مار مړ شو. کله چې سهار نجار راغی، ویې لیدل چې د مېز پر سر یو مړ مار پروت دی.نوټ: د دې لنډې کیسې مطلب دا دی چې غوسه مه کوئ! ځکه غوسه اکثره د انسان په زیان تمامیږي .