فرعون د ډوبیدو په وخت کې!

فرعون چې ډوبېده، اویا ځله یې وویل: "اې موسیٰ! ما وژغوره!" خو موسیٰ علیه السلام ونه ژغوره. نو الله تعالی خپل کلیم موسیٰ علیه السلام ته وحي وکړه: "اې موسیٰ! فرعون اویا ځله له تا مرسته وغوښته، خو تا مرسته ورسره ونه کړه. زما په عزت او جلال قسم، که هغه یوازې یو ځل له ما نه مرسته غوښتې وای، زه به یې خامخا نږدې او دعا قبلوونکی موندلی وای." یو صالح انسان وایي: "اې ربه! که ستا دا ډول لطف او رحمت د هغه چا لپاره وي چې ویلي یې وو: { أَنَا رَبُّكُمُ الْأَعْلَى } (زه ستاسو تر ټولو لوړ رب یم) نو ستا لطف او رحمت به د هغه چا لپاره څنګه وي چې تا ته سجده کوي او وایي: { سُبْحَانَ رَبِّيَ الْأَعْلَى } (زما رب پاک دی چې تر ټولو لوړ دی)." په خپلو کورونو کې استغفار ډېر کوئ، په دسترخوانونو، لارو، بازارونو او مجلسونو کې هم. ځکه تاسو نه پوهېږئ چې مغفرت به کله نازل شي.عبدالله امير