له ټاپي پروژې خبر یاست؟

بیخي لنډ او خلص یې درته وایم؛ ټاپي د ترکمنستان ګاز د افغانستان له لارې پاکستان او بیا هند ته رسوي، اوږدوالی یې ۱۸۰۰ کیلومتره دی چې ۸۰۰ کیلومتره یې افغانستان کې دی، او اوس یې ۵۲ سلنه چارې بشپړې شوې دي. ‏مونږ ته یې ګټه داده چې هر کال به ۵۰۰ میلیونه متر مکعب ګاز راکوي، د ګازو بیې به بیخي ټیټې شي، ګازي موټر به داسې وي لکه فري چې چلیږي، ‏۵۰۰ میلیونه ډالر به د کال د ترانزیټ راکوي، د صنعت او پانګونې لپاره به انرژي برابره شي او د افغانستان جیوپولیټیک او اقتصادي اهمیت به نور هم زیات شي. ‏په لنډه، ټاپي د افغانستان لپاره یوه ستره اقتصادي او سیاسي پروژه ده چې د یادو هیوادونو ګټی له یوبل سره تړي