لومړنی افغان پیلوټ

افغانستان لومړنی پیلوټ څوک و؟ د افغانستان فضا ته په ۱۲۹۸ل کال د غويي مياشت کې دوې برتانوۍ الوتکې راننوتې او پر جلال اباد، کابل او سپين بولدک ب-مباري وکړه. شاه امان‌الله خان همدې الوتکو ته په کتو او د وخت اړتياوو ته په پام سره له خپلواکۍ وروسته سمدستي د هوايي ځواک د جوړېدو په هڅه کې شو او په همدې موخه يې په ۱۳۰۰لمریز کال درې تنه پياوړي افسران (جګړن محمد احسان خان، تورن غلام دستګيرخان او تورن محمد هاشم خان) ايټاليا هېواد ته وليږل، چې د پيلوټۍ، تخنيک او کشف په برخو کې لوړې زده‌کړې وکړي، دوی د افغانستان د هوايي چلند په تاريخ کې لومړني کسان وو، چې په دې برخه کې يې زده کړې وکړې. ويل کېږي دوی لومړني کسان وو چې په کابل کې يې الوتکه ښکته کړه او د شاه امان‌الله خان له لورې پرې د طلاوو سکې وشيندل شوې او په دوی کې جګړن #احسان‌الله‌خان #پيلوټ و او لومړی کس و، چې الوتکه يې د شيرپور هوايي ډګر کې کېنوله. ويل کېږي ښاغلی احسان‌خان د کابل پر فضا خپله الوتکه وګرځوله او تر شا یې #امان‌الله‌خان هم ناست او له فضا څخه يې د خپلې ښکلې پلازمېنې ننداره کوله. د الوتکې پر وزرو د الله اکبر کلمه لیکل شوې وه، چې خلک د ویرې پر ځای د خوشحالۍ او ویاړ احساس وکړي، چې ګواکې الوتکه د انګریزانو نه بلکې د افغانستان خپله الوتکه او خپل پیلوټ ده. @سترګه #Afghanistan کاپي