لینا مدینا

لینا مدینا چې د پیرو هېواد اوسېدونکې ده، د نړۍ په طبي تاریخ کې د تر ټولو ځوانې مور په توګه ثبت شوې ده. دا د بشري او طبي تاریخ یوه له تر ټولو نادرو او هېښونکو پېښو څخه ګڼل کېږي. د پېښې بنسټیز معلومات: د زیږېدو نېټه: ۲۳ سپټمبر ۱۹۳۳ زېږدیز کال هېواد: پیرو د ماشوم د زېږون نېټه: ۱۴ مې ۱۹۳۹ زېږدیز کال د زېږون پر مهال د مور عمر: ۵ کاله، ۷ میاشتې او ۲۱ ورځېکیسه څنګه پیل شوه؟ لینا مدینا هغه مهال روغتون ته یوړل شوه چې کورنۍ یې د ګېډې د غټوالي له امله اندېښمنه وه او ګومان یې کاوه چې کوم پړسوب یا ناروغي ده. خو ډاکټرانو له دقیقو معایناتو وروسته په بشپړې هکپکتیا سره وموندله چې دا ماشومه امیندواره ده. د ماشوم زېږون او ژوند: نوموړې د جراحي عملیات (سيزرین) له لارې یو روغ هلک وزېږاوه. د دغه ماشوم وزن شاوخوا ۲.۷ کېلوګرامه و او د هغې د معالج ډاکټر په درناوي پرې د «ګیرارډو» نوم کېښودل شو. ګیرارډو د خپل ژوند په لومړیو لسو کلونو کې لینا خپله خور ګڼله، ځکه کورنۍ د دې پېښې حقیقت ځینې پټ ساتلی و، خو وروسته په حقیقت پوه شو. د ماشوم پلار څوک و؟ د ماشوم د پلار هویت تر نن ورځې پورې ناڅرګند پاتې دی. د قانوني مراجعو له لوري دقیقې پلټنې وشوې، خو له امله یې هېڅوک په رسمي توګه ملامت یا محکوم نه شول. له همدې امله د دغه راز د پټ پاتې کېدو څرنګوالي د طب په نړۍ کې بېلابېل بحثونه راپورته کړل. وروستی ژوند: لینا مدینا له دغې پېښې وروسته خپل عادي ژوند ته دوام ورکړ، واده یې وکړ او یو بل ماشوم یې هم وزېږاوه. هغې تل هڅه کړې چې له رسنیو او اوازو لرې پاتې شي او د خپل ژوند د دغې برخې په اړه یې له مرکو ډډه کړې ده. دا پېښه د ګینس په نړیوالو ریکارډونو او د نړۍ د طب په تاریخ کې تر ټولو بې سارې پېښه پاتې ده. معلومات راټولوونکی : محمد غازي نورزي