نېستي : ﴿ د کلي او ښار عجيبه پرتله

نېستي : ﴿ د کلي او ښار عجيبه پرتله ﴾یوه شتمن خپل زوی کلي ته بوتلو، چې څو ورځې هلته واوسي او د خلکو ژوند وویني. تر څلور پنځو ورځو وروسته دواړه بېرته د ښار په لور روان شول. په لاره کې پلار له زویه وپوښتل: - دا ځای دې خوښ شو؟ - هو، ډېر ښه و - د خلکو ژوند ته متوجې شوې؟ - هو پلاره - ښه نو، څه شی دې زده کړل؟ هلک تر لږ فکر وروسته وویل: په دې پوه شوم چې موږ یو کوچنی سپی لرو خو دوی څلور لري. زموږ انگړ کې د اوبو یوه فواره ده خو دوی د لوی سیند خاوندان دي. زموږ چت کې څو تت څراغونه را ځوړند دي او د دوی چت رښتینو ځلاندو ستورو پوښلی. زموږ باغ تر څلورو دېوالونو محدود دی، خو د دوی انتها نه لري. د هلک د خبرو په اورېدو د پلار ژبه بنده شوه. هلک بیا وویل: - مننه پلاره، تا راوښودل چې موږ څومره نېستمن یو .!