هیموګلوبین څه شی دي؟

هیموګلوبین یو مهم او پېچلی پروټین دی چې د وینې په ســــرو حجــرو (Red Blood Cells) کې موندل کېږي او د ژوند لپاره ډېر ضروري دی. د دې اصلي دنده دا ده چې اکسیجن د سږو څخه د بدن نورو نسجونو ته ورسوي او کاربن ډای اکسایډ بېرته سږو ته انتقال کړي. هیموګلوبین اوسپنه (Iron) لري، چې وینې ته سور رنګ ورکوي. د هیموګلوبین سالمه کـچه ساتل ډېر مهم دي، ځکه چې د دې کمښت د وینې کمښت (Anemia) رامنځته کولــی شــي، چې له امله یې ستړیا، کمزوري، او د بدن مهمو غړو ته د اکسیجن کم رسېدل پیدا کېږي.