ویټامینونه؛ د بدن د روغتیا بنسټ

ویټامینونه هغه ضروري غذایي مواد دي چې زموږ بدن یې د ودې، معافیتي سیستم پیاوړتیا، د حجرو د فعالیت او د عمومي روغتیا د ساتنې لپاره اړتیا لري. که څه هم بدن په لږ مقدار ویټامینونو ته اړتیا لري، خو د هغوی کمښت کولی شي بېلابېلې روغتیايي ستونزې رامنځته کړي.ویټامین A د سترګو د روغتیا، پوستکي د ساتنې او معافیتي سیستم د پیاوړتیا لپاره مهم دی. سرچینې: پالک، پاپیتا، خواږه کچالو او هګۍ.ویټامین C یو قوي انټي‌اکسیډنټ دی چې د بدن دفاعي سیستم پیاوړی کوي، د زخمونو په رغېدو کې مرسته کوي او د اوسپنې جذب زیاتوي. سرچینې: مڼه، پاپیتا، سره مرچ او تازه مېوې.ویټامین B1 (تایامین) د انرژۍ په تولید او د عصبي سیستم په سم فعالیت کې مهم رول لري. سرچینې: بادام، لوبیا، وریجې او کب.ویټامین B6 د مغز د فعالیت، د وینې د سرو حجرو په جوړېدو او د پروټینونو په میتابولیزم کې مرسته کوي. سرچینې: کیله، لوبیا، مغزي دانې او شیدې.ویټامین D د هډوکو او غاښونو د پیاوړتیا لپاره اړین دی، ځکه چې د کلسیم جذب زیاتوي. سرچینې: شیدې، هګۍ، ستوري او د لمر وړانګې.ویټامین E د حجرو ساتنه کوي او د بدن د انټي‌اکسیډنټي دفاع یوه مهمه برخه ده. سرچینې: بادام، هګۍ، شیدې او کب.ویټامین K د وینې د ټینګېدو (Clotting) او د هډوکو د روغتیا لپاره مهم دی. سرچینې: شنه سبزيجات، کچالو، کاجو او انګور.د متوازنې او متنوع غذایي رژیم له لارې د اړتیا وړ ویټامینونو ترلاسه کول د روغتیا ساتنې تر ټولو غوره او خوندي لاره ده. د ویټامینونو د کمښت یا زیات استعمال په صورت کې د متخصص ډاکټر یا تغذیې له کارپوه سره مشوره وکړئ.روغ بدن د سالمو خوړو له انتخاب څخه پیلېږي. متوازن غذا وخورئ او خپل روغتیا ته لومړیتوب ورکړئ.