پروسټاټ د ناروغۍ لومړنۍ نښې وپېژنئ

پروسټاټ یوه کوچنۍ غده ده چې د نارینه وو د تناسلي سیستم مهمه برخه جوړوي. د عمر په زیاتېدو سره د پروسټاټ د غدې د غټېدو، التهاب یا نورو ستونزو احتمال هم لوړېږي. د دې ناروغیو ژر پېژندل او پر وخت معاینه کولی شي د جدي ستونزو مخه ونیسي.د پروسټاټ د ستونزو عامې لومړنۍ نښې:د شپې له خوا څو ځله د ادرار لپاره پاڅېدل.د ادرار کمزوری جریان یا د ادرار په پیل کې ستونزه.د ادرار پر مهال سوځښت، درد یا ناراحتي.د ادرار له ختمېدو وروسته هم د مثانې د نه تشېدو احساس.دا نښې تل د پروسټاټ سرطان معنا نه لري؛ کېدای شي د پروسټاټ د غدې د غټېدو (BPH)، التهاب یا د ادرار د لارې د نورو ناروغیو له امله هم وي. له همدې امله، د دقیق تشخیص لپاره د متخصص ډاکټر معاینه او اړینې لابراتواري ازموینې مهمې دي.که تاسو یا ستاسو د کورنۍ کوم نارینه غړی له دې نښو سره مخ وي، د ځان درملنې پر ځای ژر تر ژره له متخصص ډاکټر سره مشوره وکړئ. پر وخت تشخیص د اغېزمنې درملنې او د روغ ژوند د دوام لپاره مهم ګام دی.