په اسلام کې د وخت اهمیت او ارزښت

وخت د انسان د ژوند تر ټولو لویه سرمایه ده چې کله لاړه شي، بېرته نه راګرځي. په اسلامي شریعت کې وخت ته خورا زیات اهمیت ورکړل شوی دی. الله کبریا په قرآن کریم کې په بېلابېلو وختونو لکه د سهار، تنکۍ غرمې او د مازدیګر په وختونو باندې قسمونه یاد کړي دي، چې دا پخپله د وخت لوړ ارزښت ښيي.رسول الله ﷺ فرمایلي دي: «دوه نعمتونه داسې دي چې ډېری خلک پکې په تاوان کې دي: یو صحت (روغتیا) او بل فراغت (فارغ وخت)». له همدې امله، یو مسلمان باید خپل وخت په ګټورو کارونو، عبادت، تعلیم او د حلال رزق په ګټلو تېر کړي او له عبثو او بې ګټې کارونو څخه ځان وژغوري. د وخت سم مدیریت موږ په دنیا او اخرت دواړو کې د بریا او پیسو ګټلو ته رسوي