څنګه لږ وخت کی ډیر څه زده کړو؟

ولي ځینې خلک ساعتونه مطالعه کوي، خو بیا هم لږ څه زده کوي؟کله مو فکر کړی چې ولې یو څوک یوازې یو ساعت مطالعه کوي او موضوع ښه زده کوي، خو بل څوک پنځه ساعته کتاب ته ناست وي او بیا هم ډېر څه نه وي ورپاتې؟ستونزه اکثره د وخت په کمښت کې نه وي، بلکې د مطالعې په طریقه کې وي.ډېر خلک مطالعه داسې کوي:• یوازې کتاب لولي • مهمې کرښې رنګوي • یو مطلب څو ځله بیا بیا ګوريدا کارونه موږ ته داسي احساس راکوي چې ګواکې زده کړي مو کړې، خو حقیقت کې داغه طريقه سره زموږ په دماغ کي ډېر لږ معلومات ساتل کيږيد اغېزمنې مطالعې مهم اصول۱. له حافظې څخه معلومات راویستل (Active Recall)د یوې موضوع له لوستلو وروسته کتاب بند کړئ او له ځانه وپوښتئ:"ما څه زده کړل؟"که مو ځواب نه شو ویلای، لا موضوع مو نه ده زده کړې.دماغ هغه وخت قوي کېږي چې معلومات بېرته راوباسي، نه هغه وخت چې یوازې یې وګوري.۲. په مناسب واټن سره تکرار (Spaced Repetition)مطالعه یوازې یو ځل مه کوئ.• نن موضوع زده کړئ • سبا یې بیا بيا تکرار کړئ • څو ورځې وروسته یې بیا تکرار کړئ • یوه اوونۍ وروسته یې بیا وګورئهمدا طریقه معلومات اوږدمهاله حافظې ته انتقالوي.۳. داسې یې تشریح کړئ لکه ښوونکی چې یاستکه یوه موضوع بل چاته په ساده ژبه تشریح کولی شئ، نو واقعاً مو زده کړې ده.که تشریح یې نه شئ کولی، لا هم ځینې برخې درته روښانه نه دي.۴. د تمرکز لنډې او پیاوړې ناستېد څو ساعتونو پرله‌پسې مطالعې پر ځای:• ۲۵ تر ۴۵ دقیقو مطالعه وکړئ يا پاموډورا تکتيک څخه کار واخڅ • ۵ تر ۱۰ دقیقو استراحت وکړئ • بیا بېرته درس شروع کړيکیفیت تر کمیت مهم دی.کله چې مطالعه ستړې، سخته یا بې‌خونده شيحقیقت دا دی چې هېڅوک هره ورځ د زده کړې لپاره پوره انګېزه نه لري.بریالي خلک ځکه بریالي شوي نه دي چې تل یې انګېزه لرله؛ بلکې ځکه چې دوام یې ساتلی دی.• یوازې د ۱۰ دقیقو لپاره پیل وکړئ • کوچني هدفونه وټاکئ • خپل پرمختګ ثبت کړئ • د هرې کوچنۍ لاسته راوړنې قدر وکړئ • خپل ځان له نورو سره مه پرتله کوئهغه تېروتنې چې وخت ضایع کوي• یوازې لوستل او تمرین نه کول • د مطالعې پر مهال د موبایل دوامداره کارول • څو کارونه په یو وخت کې کول • اوږده مطالعه پرته له وقفې • یوازې د امتحان له پاره مطالعه کول • د لومړۍ ستونزې په لیدلو سره تسلیمېدلیو ساده مثالفرض کړئ غواړئ د موټر چلول زده کړئ.که یوازې د موټر چلولو کتابونه ولولئ، موټر به ونه شئ چلولی.باید تمرین وکړئ، تېروتنې وکړئ او بیا یې اصلاح کړئ.مطالعه هم همداسې ده.یوازې لوستل کافي نه دي؛ تمرین، یادول او تکرار اړین دي.ستاسو په اند د مطالعې پر مهال تر ټولو لویه ستونزه څه ده؟تمرکز، هېرول، د وخت کمښت، که د انګیزې نشتون؟