چتری

داسې به ومدوه کسه په لاره کې ملګري شول. په منځ کې ناڅاپه باران پيل شو، له دا يوه سره چترۍ وه، بل ته يې هم وويل چې تر چترۍ لاندې ځان پټ کړي. وروسته بيا باران ودريد او د چترۍ څښتن هغه بل ته وويل: که ما تر چترۍ لاندې نه وای پټ کړی، څه حال به دې و؟ هغه ځواب ورکړ: لوند خيشت به وم. چې يو څه نور مزل يې وکړ، د چترۍ څښتن بيا پوښتنه ورنه وکړه: که ما په چترۍ کې نه وای پټ کړی، څه حال به دې و؟ هغه ځواب ورکړ: لوند خيشت به وم. د چترۍ څښتن په دريم ځل هم دغه پوښتنه وکړه او چې په څلورم ځل يې پوښتنه تکراروله، دوی د يو سيند غاړې ته رارسيدلي و او بې چترۍ سړي د ځواب په ځای سيند ته ټوپ کړل، لوند خيشت راووت، ويې ويل: داسې به وم!