چې نه کار په هغه څه کار

نيمه شپه وه چې يو غل د دوبي د کور په ديوال واواوښت دوبي غرق ويده وه خو د خره او سپي يې ورپام شول. سپي له غپلو انکار وکړ او دليل يې دا راوړ چې څيښتن يې ښه نه ساتي، مه کوه چې جزا وويني. خره ورباندې ډېر ټينګار وکړ چې داسي مه کوه، وغاپه، خو سپي نه منله او خره ته دا ښه نه شوه ښکاره چې سپی له خپلې دندې غاړه غړوي نو هينګارې شروع کړې او د سپي دنده يې په غاړه واخيسته. د کور خاوند راويښ شو، غل يې پسې واخيست او بيا يې کوتک ته لاس کړ، خر يې ښه وډباوه چې په نيمه شپه هينګاري وهي.