یوازې یوه عادي سپرې

یوازې یوه عادي سپرې... خو پایله یې ډېره دردناکه ډېری خلک ډیوډرنټ او نور سپرې محصولات هره ورځ کاروي، خو د هغوی ناسم استعمال خطرناکې پایلې لرلی شي.په انګلستان کې یو ۱۶ کلن هلک وروسته له هغه خپل ژوند له لاسه ورکړ چې د ډیوډرنټ او نورو سپرې بوتلونو څخه د وتونکي بیوټېن ګاز یې په زیاته اندازه تنفس کړی و. د پلټنو پر مهال د هغه په کوټه کې لسګونه تش سپرې بوتلونه وموندل شول.طبي معاینې څرګنده کړه چې د هغه په بدن کې نه نشه يي مواد وو او نه هم الکول. ډاکټرانو وویل چې د بیوټېن ګاز ډېر تنفس د هغه د وینې دوران اغېزمن کړی او د مړینې لامل شوی. عدلي چارواکو دا پېښه یوه ناڅاپي حادثه وبلله.دا پېښه موږ ته یادونه کوي چې د سپرې محصولات باید یوازې د لارښوونو سره سم وکارول شي. د دې محصولاتو قصدي یا ډېر تنفس کول د زړه او سږو لپاره خطرناک دي او په ځینو مواردو کې د ژوند د له لاسه ورکولو سبب هم کېدای شي.