یوه انجلی کیسه کوله

یوه انجلی کیسه کوله: "پلار مې زه یو داسې چاته په نکاح کړم چې هغه په خارج کې اوسېده. په لومړي سر کې زه ډېره خوشحاله وم او فکر مې کاوه چې زه به هم له دې ځایه هغه ځای ته ولاړه شم. خو دا خوشحالي مې نصیب نه وه؛ دا د بدبختۍ یو پیل و. هغه راغی، واده یې وکړ، دوه میاشتې یې دلته تېرې کړې، او بیا بېرته ولاړ. اوس اته میاشتې کېږي چې نن او سبا کوي، خو نه راځي. کله کله خو دا هم وایي چې راتګ ممکن نه دی.له دې درده یوازې خدای ښه پوهېږي چې د هغه د نه شتون په وخت کې هره شپه او ورځ پر ما څه تېرېږي.کیسه ډېره اوږده ده ، او د لیکلو توان یې نه لرم.😔😢 خو یوازې دومره وایم چې هیله کوم، خپلې لوڼې خوندي وساتئ او داسې چاته یې مه ورکوئ چې له وطنه ډېر لیرې وي. مه یې هم ژوند تباه کوئ، که تاسو ته هر څومره ډېرې پیسې را واستوي، دا ستاسو د لور یا خور د ژوند د سختیو او نا هیلیو ارزښت نه لري. لطفاً په خپل لاس خپل اولاد اور ته مه اچوئ."