یوه نوې څېړنه د Alopecia Areata په نوم

یوه نوې څېړنه د Alopecia Areata په نوم د یوې اتوایميون ناروغۍ د درملنې په برخه کې هیله‌بخښونکې پایلې ښيي. په دې حالت کې د انسان دفاعي سیستم په تېروتنه د ویښتانو پر ریښو برید کوي او د سر ویښتان په پراخه کچه تویېږي. څېړونکو په دوو لویو کلینیکي ازموینو کې پر ۱،۳۹۹ کسانو د Upadacitinib درمل اغېز وازمایه. ګډونوالو د ورځې ۱۵ یا ۳۰ ملي‌ګرامه درمل یا placebo ترلاسه کړل او د ۲۴ اوونیو لپاره یې د ویښتانو وده وڅارل شوه. پایلو وښودله چې د ۱۵ ملي‌ګرامه ډلې شاوخوا ۴۵ سلنه کسانو د سر لږ تر لږه ۸۰ سلنه ویښتان بېرته ترلاسه کړل. د ۳۰ ملي‌ګرامه ډلې کې دا کچه شاوخوا ۵۴ تر ۵۵ سلنې پورې ورسېده، په داسې حال کې چې د placebo ډلې کې یوازې ۱.۵ او ۳.۴ سلنه کسانو ورته پایله ترلاسه کړې وه. حتی ځینو کسانو کې د سر ویښتان په بشپړ ډول بېرته راشنه شوي وو، او د وروځو او باڼو په ویښتانو او د ژوند د کیفیت په برخه کې هم ښه والی لیدل شوی. خو څېړونکي ټینګار کوي چې دا پایلې د دې معنا نه لري چې درمل به د هر چا لپاره یو شان اغېز ولري. د اوږدمهاله اغېزو او خوندیتوب د معلومولو لپاره لا نورو څېړنو ته اړتیا ده. ⚠️ یادونه: دا معلومات یوازې د څېړنې د پایلو په اړه دي، د درملو سپارښتنه نه ده. هېڅ درمل د ډاکټر له مشورې پرته مه کاروئ. #AlopeciaAreata #HairLoss #HairRegrowth #MedicalResearch #BrightMedia