﴿رَبَّنَا مَا خَلَقْتَ هَٰذَا بَاطِلًا سُبْحَانَكَ﴾سورت آل‌عمران: ۱۹۱ژباړه: «اې زموږ ربه! تا دا هر څه بې‌ګټي او بې‌هدفه نه دي پیدا کړي؛ ته پاک یې

﴿رَبَّنَا مَا خَلَقْتَ هَٰذَا بَاطِلًا سُبْحَانَكَ﴾ سورت آل‌عمران: ۱۹۱ ژباړه: «اې زموږ ربه! تا دا هر څه بې‌ګټي او بې‌هدفه نه دي پیدا کړي؛ ته پاک یې.»اسمان‌څکالی (شوپرک) د کرني د طبیعي افتونو په کنټرول کي ډېر مهم رول لري، په حقیقت کي دوی هر کال د جوارو د زیان‌رسوونکو چینجیانو په خوړلو سره نړۍ ته د یو میلیارد ډالرو څخه زیاته اقتصادي ګټه رسوي.هره شپه د کرنیزو سیمو پر سر یوه خاموشه جګړه روانه وي چي د نړۍ د خوړو پر امنیت مستقیم اغېزه لري، شوپرک د طبیعت تر ټولو اغېزمن طبیعي حشره‌وژونکي دي؛ دوی پر کروندو ګرځي او هغه زیان‌رسوونکي حشرات خوري چي فصلونه خرابوي، لکه د جوارو د غوږ چینجي چي د جوارو، پنبه‌وو او رومیانو په ګډون مهم فصلونه سخت زیانمنوي.شوپرک ددې چینجیانو په خوړلو سره یوازي فصلونه نه ساتي، بلکي د ځینو زهري فنګسي ناروغیو خپرېدل هم کموي؛ هغه ناروغۍ چي فصلونه خرابولای سي او د څارویو روغتیا ته هم خطر پېښولای سي، همدا طبیعي دفاع ښيي چي د شوپراکانو د شمېر او طبیعي استوګنځایونو ساتل د دوام‌داره کرنې او عامې روغتیا دپاره ډېر مهم دي.د شوپرک دغه طبیعي خدمت له اقتصادي پلوه هم ډېر ارزښت لري، په کروندو کي ترسره‌سوو تجربو ښودلې چي کله دوی له جوارو کروندو څخه لیرې کړل سي، د افتونو شمېر نږدې ۶۰ سلنه زیاتېږي او فصلونو ته زیان شاوخوا ۵۰ سلنه ډېرېږي.ځیني اټکلونه ښيي چي شوپرکان هر کال د امریکا د کرنې لپاره د افتونو په کنټرول او د کیمیاوي دواګانو د لګښت په کمولو کي تر ۳.۷ میلیارد ډالرو پوري ارزښت لري، اوس چي شوپرکان د خپل طبیعي ځایونو د له‌منځه‌تلو او ناروغیو له امله له خطر سره مخ دي، د دوی ساتنه یوازي د چاپېریال ساتني موضوع نه ده؛ بلکي د کرنیز اقتصاد او د خوړو د خوندیتوب د ساتلو لپاره هم مهمه ده.سرچینه:Maine, J. J., & Boyles, J. G. (2015). Bats initiate vital agroecological interactions in corn. Proceedings of the National Academy of Sciences.