💌 په لوستلو ارزي 📚

یوه ورځ ګیدړ او پیشو د خپلو چلاکیو کیسې کولې.! ګیدړ په ویاړ وویل: زه د تر ټولو چلاکه او هوښیار حیوان په نوم پیژندل کیږم، سل داسې چلونه پېژنم چې خپل ځان پرې له خطره ژغورلی شم.پیشو په ارامۍ ځواب ورکړ: زه ستا په څیر چلاکه نه یم، خو یو داسې چل او مهارت مې زده دی چې ډیر وختونه یې له خطره ژغورلي یم.د خبرو په مینځ کې څو ښکاریان او سپي د دوی خواته د ښکار لپاره راغلل. پیشو ژر یوې ونې ته پورته شوه او د څانګو ترمنځ خوندي پټه شوه.ګیدړ هڅه کوله له خپلو ډېرو چلونو څخه یو انتخاب کړي، خو ګډوډ شو او بالاخره د سپو له خوا ونیول شو. ګیدړ له ځان سره ورو وویل: یو ساده او باوري پلان تر هغو ډېرو هوښیارو نظریو غوره دی چې ته یې نشې کارولی.!✅عبرت: یوه ساده مهارت چې ښه وکارول شي، له هغو ډېرو مهارتونو او پلانونو غوره دی چې هېڅ کار ترې نه اخېستل کېږي.!کله ناکله یو روښانه او عملي ګام تر پېچلو فکرونو ډېر ژغورونکی وي. نو کار مه پېچلی کوه ، ساده او روښانه عمل غوره دی.!