افغانه نجلۍ علم، حيا او وقار په يو وجود کې

دا هم یوه افغانه پښتنه انجلۍ وه چې دلته یې په افغان رسنیو کې فعالیت کاوه. د افغانستان د سقوط وروسته بهر ته ولاړه او اوس هم هلته ژوند کوي. شاید تاسو یې وپېژنئ، هیله شمس ده هغه یوه باحیا، باعزته او باوقاره افغانه انجلۍ ده. د دې په شان ډېرې نورې افغانې نجونې هم شته چې په افغانستان کې یې زده کړې کړې دي، وروسته بهرنیو هېوادونو ته تللې دي، خو هېڅکله یې خپل افغاني غرور، کلتور او عزت تر پښو لاندې نه دی کړی. هغوی خپل حیا، شخصیت او اسلامي ارزښتونه ساتلي دي دا خبره می ځکه وکړه چې یو بی عقل انسان راته ویل: په افغانستان کې نجونو ته باید د زده کړو اجازه ورنه کړل شي، ځکه ګواکي له علم وروسته به ټولې د ګلالۍ اریانا یا نورو په رکم بربنده شی.د یوې یا څو کسانو د کړنو له امله د ټولو ښځو او نجونو بدنامول بی عقلي ده. که چېرې په نړۍ کې ځینې بد مثالونه شته، نو ورسره زرګونه داسې پاکې، بااخلاقه او بریالۍ ښځې هم شته چې علم یې کړی، خپل دین او کلتور یې ساتلی او خپلې کورنۍ او ټولنې ته یې خدمت کړی دی. خو افسوس چې ځینې خلک یوازې منفي مثالونه ویني او ښه بېلګې قصداً له پامه غورځوي..