«احضار» څه ته وایي؟

کله چې د دوو هېوادونو ترمنځ اړیکې خرابې شي، نو دغه کلمه بیا ډېره لاس په لاس کېږي، د بېلګي په توګه ډېر کله یې رسنۍ د خبر په توګه داسې را اخلي: «افغانستان د پاکستان سفیر احضار کړ.» «احضار» له اره عربي کلمه ده چې په پښتو کې د حاضرولو یا غوښتلو په مانا ده. په ډیپلوماتیکې اصطلاح کې د یؤۀ هېواد لخوا په جدي توګه د بل هېواد د سفیر راغوښتلو ته ویل کېږي او ورته مخامخ وایي چې موږ ستاسې د کړنو له امله سخت خوابدي یو او پرې رسماََ اعتراض لرو. په نږه پښتو کې یې «سوبڼ» بولي.یادؤنه: لوستونکی پاڼه در سره وڅارئ او له ګټورو لیکنو یې خوند واخلئ!