دناروغ پوښتنه کول

د ناروغ پوښتنه کول په اسلام کې ډېر ستر فضیلت لري. رسول الله ﷺ فرمایلي: «مَنْ عَادَ مَرِيضًا، لَمْ يَزَلْ فِي خُرْفَةِ الْجَنَّةِ حَتَّى يَرْجِعَ» ژباړه: څوک چې د ناروغ پوښتنې ته ولاړ شي، تر هغه چې بېرته راستون شي، د جنت په باغونو کې وي. (صحیح مسلم) همدارنګه په حدیث کې راغلي چې کله مسلمان د خپل ناروغ ورور پوښتنې ته ځي، اویا زره ملائکې د هغه لپاره دعا کوي. (ترمذي) نو د ناروغ پوښتنه یوازې د ټولنیزې خواخوږۍ کار نه دی؛ د ثواب، رحمت او د مسلمان د حق ادا کولو لوی عبادت دی. 🌹