دوه ټکي، شارحه يا Colon (:)

دوه ټکي، شارحه يا Colon (:)شارحه (:) چې په پښتو کې یې «دوه ټکي»، په دري کې یې «دو نقطه» او په انګلیسي کې یې «Colon» بولي د کارندو لیکنښو له ډلې ده او د کارونې مختلف ځایونه لري، چې په دې لیکنې کې به یې ټولې برخې تشریح کړو.★ د شارحې (:) د کارونې ځایونه: ― کله چې په یؤۀ متن کې له يوې فقرې وروسته ځينې نومونه او مفهومونه راشي، نو له شارحې کار اخلو. بېلګې: ـ د افغانستان د کرکټ ملي لوبډلې تکړه لوبغاړي دا دي: راشد خان، ابراهیم ځدراڼ، عظمت الله عمرزی او رحمان الله ګربز. ـ زما د خوښې کتابونه په لاندې ډؤل دي: څراغ، د نثر لیکلو هنر، سینوهه، د سوفي نړۍ، د ادبیاتو دنیا، جاذب او اغېزمن شخصیت او د ځوانۍ په ځنګل کې. ـ د افغانستان ښکلي ولایتونه دا دي: لغمان، نورستان، خوست، بدخشان او بلخ. ـ تېره میاشت مې دا کتابونه مطالعه کړل: ځنګل، توره ارواپوهنه، لیکوالي او الرحیق المختوم.― له مستقيم نقل قول څخه د مخه هم راځي. بېلګې: ـ الله تعالی فرمایي: «د الله تعالی له رحمت څخه مه ناهیلي کېږئ.» - رسول الله صلی الله علیه وسلم فرمايي: «د علم زده کړه په هر مسلمان (نارينه او ښځينه) فرض ده.» ـ استاد اسدالله غضنفر وایي: «زما خیر په دې کې دی چې ستا خیر هم وغواړم.»― د ساعت او دقيقې د بېلولو لپاره هم کارول کېږي. بېلګې: ـ ۲:۲۰ ـ ۱۰:۴۰ ـ ۱۲:۱۵#که درس مو زده شوی وي، نو یوه ـ یوه بېلګه ولیکئ!