د «ماته» او «ما ته» ترمنځ توپیر

ماته او ما ته دوې جلا ـ جلا کلمې دي، نو په لیکلو کې یې ورته ډېر پام کوئ. که څه هم دغه دوې کلمې په وینګ کې یو شان ویل کېږي خو په لیکلو کې ډېر نازک توپیر لري، هغه دا چې د «ما» او «ته» ترمنځ که یؤ سپېس اضافه شو مانا یې بدلون کوي.راځئ! په بېلګو کې یې روښانه کړو! لومړی به په «ما ته» کې بېلګې جوړې کړو چې د ( زما لپاره) مفهوم لري او دري کې یې ژباړه (برای مه) راځي. بېلګې: ـ ما ته پیاله راوړه. ـ ما ته زینه راوړه. ـ ما ته لښته راوړه.دویم یې (ماته) کلمه ده چې د (ماتې شوې، میده شوې) مفهوم لري او د «جوړې، روغې» ضد کلمه ده او په دري کې یې ژباړه (میده شده، ریزه شده) راځي. بېلګې: ـ ماته پیاله راوړه. ـ ماته لښته راوړه. ـ ماته زینه راوړه. #که مو درس زده شوی وي، نو یؤه ـ یؤه بېلګه جوړه کړئ! #لیکنه د پوهې د ترویج او د غلطیو د سمون په موخه شییر کړئ!