د «ځانته» او «ځان ته» ترمنځ توپیر!

ځینې کلمې داسې دي چې له جولیز پلوه سره ډېر نږدې تړاو لري، خو له مانیز پلوه سره لوی توپیر لري، چې د هغو له ډلې د «ځانته» او «ځان ته» کلمې دي. که چېرې د دغو کلمو سمې کارونې ته پام ونکړو او ناسمې یې وکاروو، نو یؤ خو مانیز توپیر پېښوي او بل سړی خپل مطلب په ښه توګه نشي څرګندولی.ځانته ځانته د قید په توګه هغه وخت کارول کېږي کله مو چې موخه له یؤ څه "ګوښی والی او یواځې والی" وي.بېلګې: ـ زۀ په خونه کې ځانته اوسېږم. ـ ما ته ځانته ډوډۍ خوړل خوند نۀ را کوي. ـ هغه چې ځانته وي، نو خوښ وي. ـ زۀ هره ورځ اته لیټره اوبه ځانته څښم. ـ یؤه شېبه مې ځانته پرېږده!ځان ته ځان ته هغه وخت کاروو چې کله یؤ کس غواړي د خپل ځان په اړه څرګندونې وکړي. په دې حالت کې «ته» له «ځان» سره د وستربل په توګه کارول کېږي.بېلګې: ـ هر لوستونکی ځان ته د لوست لپاره ښۀ کتاب غوره کوي. ـ زۀ تل ځان ته ډاډ ورکوم. ـ نن مې دوه قلمونه وپېرل، یؤ مې ځان ته بل مې ورور ته. ـ هر څوک باید ځان ته پام وکړي. ـ هر کس ځان ته لومړيتوب ورکوي.#درس خو به پېچلی نۀ وي!؟ #که درس مو زده شوی وي، نو یؤه ـ یؤه بېلګه ولیکئ!