د «ښاغلي» او «اغلې» ترمنځ توپیر

د «ښاغلي» او «اغلې» ترمنځ توپیر!که څه هم د دغو دوو وییونو ترمنځ توپیر ډېر څرګند او جؤت دی، خو بیا هم ځینې خلک یې په کارولو کې تېروځي او د یؤ او بل پر ځای یې کاروي.ښاغلی ښاغلی چې په انګلیسي کې یې «Mr» او په دري کې یې «آقا» بولي نارینوو ته د درناوي په پار کارول کېږي. بېلګې: ـ ښاغلی احمد به درته لارښوونه وکړي. ـ ښاغلو! دلته کښېنئ! ـ ښاغلیه، ستاسې مرستې ته اړتیا لرم.اغلې اغلې چې په انګلیسي کې یې «Ms./Mrs» او په دري کې یې «خانم» یا «بانو» بولي ښځینوو ته د درناوي په موخه کارول کېږي. بېلګې: ـ اغلې ښوونکې، سبا ښوونځي ته نۀ درځم. ـ اغلو! لږې غلې شئ، شور مه کوئ. ـ اغلې مسکا، ته ډېره تکړه یې.