د چېرې او چېرته ترمنځ تـوپیر!

چېرې چېرې یو لوری (خوا/اړخ) څرګندوي. کړونه (فعلونه) لکه تلل، روانېدل، منډه وهل، الوتل ... لوری څرګندوي، نو له " چېرې" سره باید وکارول شي. بېلګې: ـ احمد چېرې ځي؟ (ځي د تلل کړ اوړون دی) ـ زه چېرې روان یم.چېرته چېرته یو ځانګړی ځای څرګندوي، چې پکې یو څه شتون لري. کړونه لکه ول (دی، یم، ده...)، اېښودل، څملاستل، اوسېدل ... یو ځای څرګندوي، نو له " چېرته" سره باید وکارول شي. بېلګې: ـ اتل چېرته دی؟ ـ کتاب دې چېرته اېښی دی؟ ـ هغه چېرته ملاست دی؟ ـ تاسو چېرته اوسېږئ؟