که غواړئ پرمختک وکړئ د ټکنالوژي نړۍ سره برابر شئ!

تکنالوژۍ په نړۍ کې! سامسنګ په رسمي ډول د خپلو لومړنیو د ځیرکو عینکې (Intelligent Eyewear) بازار ته د وړاندې کولو لپاره چمتووالی نیولی دی چې د راپورونو له مخې د ۲۰۲۶ کال په نومبر کې به په رسمي ډول لانچ شي. دا عینکې چې له ګوګل (Google) سره په همکارۍ جوړې شوې دي، په لاندې ځانګړتیاو سمبال دي: • هېڅ Display نه لري د سکرین نشتوالی د دې لامل شوی چې عینکې خورا سپکې، د عادي عینکو په څېر او د کارولو لپاره اسانه وي. Gemini AI او غږیز کنټرول د ګوګل د Gemini AI په مرسته، تاسو کولی شئ یوازې د غږ یا لمس له لارې ژباړه، نیویګیشن، پوښتنې او ځوابونه، او نوټیفیکیشنونه ترلاسه کړئ. • هارډویر دا عینکې کامره، مایکروفونونه او خلاص سپیکرې (Open-ear speakers) لري، دا کامره د دې وړتیا لري چې ستاسو مخې ته پراته شیان وګوري او د هغو په اړه تاسو ته معلومات درکړي. • ډیزاین پارټنران سامسنګ د سټایل لپاره د Gentle Monster او Warby Parker غونډو د عینکو برانډونو سره ملګرتیا کړې ده. دا عینکې به په مستقیم ډول د Meta Ray-Ban سره سیالي وکړي.د سامسنګ چارواکو لا تر اوسه رسمي بیه نه ده اعلان کړې او دا به د لانچ په ورځ تایید شي. خو د باوري سرچینو لخوا لاندې معلومات افشا شوي دي: • د بیې رینج: د راپورونو له مخې، د دې عینکو بیه به د $349 او $499 ډالرو ترمنځ وي. • د سیالۍ حالت: دا بیه د دې مستقیم سیال یعنې د Meta Ray-Ban (چې له $299 څخه پیلیږي) په پرتله لږه لوړه ده. خو سامسنګ هڅه کوي چې د Gemini AI په قوي ایکوسیسټم او پیاوړي هارډویر سره دا توپیر جبران کړي. *عبدالله امير*