بلجیمي کم عمره خو استثنايي

بلجیمي کم عمره خو استثنايي ځیرک زده‌کوونکي لوران سیمونز (Laurent Simons) د ۱۵ کلونو په عمر د کوانټم فزیک په برخه کې خپله دوکتورا (PhD) بشپړه کړې او یو بل مهم علمي پړاو یې هم تر شا پرېښی دی. هغه د ۲۰۲۵ کال په نومبر میاشت کې د University of Antwerp په پوهنتون کې له خپلې څېړنیزې مقالې څخه په بریالیتوب دفاع وکړه، چې له دې سره د نړۍ له تر ټولو کم عمره دوکتورا لرونکو کسانو څخه وشمېرل شو. د لوران سیمونز علمي پرمختګ له پیل څخه بې‌ساری و. نوموړي په اته کلنۍ کې لېسه بشپړه کړې وه، په ۱۱ کلنۍ کې یې د فزیک په برخه کې د لیسانس سند ترلاسه کړ، او په ۱۲ کلنۍ کې یې د کوانټم فزیک ماسټري هم بشپړه کړه. د هغه د دوکتورا څېړنه د «په سوپر فلوئید او سوپرسالید سیستمونو کې د بوز پولارونونو (Bose Polarons) مطالعه» تر سرلیک لاندې ترسره شوې وه، چې د معاصر ساینس له خورا پرمختللو او پېچلو موضوعاتو څخه ګڼل کېږي. ریس خادیم🌹