چینایي ساینسپوهان

چینایي ساینسپوهان پر یوې کوچنۍ اټومي (بتاولټایک) بیټرۍ کار کوي چې کولی شي له چارج او ساتنې پرته لسګونه کاله پرله‌پسې برېښنا تولید کړي. دا بیټرۍ د نیکل-۶۳ په څېر راډیو اکټیف مواد کاروي چې د وخت په تېرېدو انرژي خوشې کوي او بیا په برېښنا بدلېږي. تمه ده چې دا ټکنالوژي په لیرې پرتو سنسرونو، طبي امپلانټونو، فضايي بېړیو او د سمندر په ژورو وسایلو کې وکارول شي، ځکه هلته د بیټرۍ بدلول ستونزمن وي. دا نوښت کولی شي د برېښنایي کثافاتو کچه راکمه او د وسایلو اعتبار لوړ کړي. دا ټکنالوژي لا هم د ازموینې په پړاو کې ده او د عام استعمال لپاره د خوندیتوب معیارونو او قانوني اجازو ته اړتیا لري. که بریالۍ شي، د انرژۍ د ذخیرې او کارونې په برخه کې به لوی بدلون راولي.