هند دچین ستر اقتصادی .......😱

په داسې حال کې چې د نړۍ ستر هېوادونه د نوې ټکنالوژۍ او برېښنايي موټرو (EVs) لپاره د چین پر نادره ځمکنیو فلزاتو تر سخت انحصار لاندې دي، یو کوچني هندي نوښتګر شرکت یو داسې حیرانوونکی پرمختګ کړی چې کولی شي د نړۍ جیوپولیټیک او صنعتي معادلو ته په بشپړه توګه تغیر ورکړي. چین چې دا مهال د نړۍ د نادره ځمکنیو مقناطیسونو د تولید او صادراتو شاوخوا ۹۴ سلنه برخه په لاس کې لري، تل یې له دې ځواک څخه پر نورو هېوادونو د فشار راوړلو لپاره کار اخیستی دی. خو اوس یو هندي شرکت د داسې برېښنايي موټور په جوړولو او د هغې د امتیاز (Patent) په ترلاسه کولو بریالی شوی، چې د چین دا ستر انحصار په اوبو لاهو کوي.نوښت په څه کې دی؟ تر دې وړاندې د نړۍ ټولو سترو صنعتي شرکتونو د برېښنايي موټرو د دایمي مقناطیسونو لپاره د چین پر نادره فلزاتو تکیه کوله. خو دې هندي نوښتګر شرکت د دایمي مقناطیسونو پر ځای له هوښیار سافټویر څخه د کنټرولېدونکو مقناطیسي میدانونو نوې ټکنالوژي کارولې ده. په دې کار سره، موټور پرته له دې چې د نادره ځمکنیو فلزاتو ذرې ته اړتیا ولري، په پوره ځواک سره کار کوي.د چین د صنعت برخې چارواکو او نړیوالو کارپوهانو په پیل کې دا ادعا یو دروغ او ناممکنه چاره ګڼله، ځکه د نړۍ سترو موټر جوړونکو شرکتونو د داسې موټور د ډیزاین لپاره پوره یوه لسیزه هڅې کړې وې خو پایله یې نه وه ورکړې. مګر دغه کوچني هندي شرکت، چې ټول ارزښت یې شاوخوا ۵ میلیونه ډالره دی، دا ناممکنه چاره ممکنه کړه.د دغه نوي موټور نمونې (Prototypes) په بریالیتوب سره ازمویل شوې دي. د موټرو لوی تولیدوونکي شرکتونه دا مهال په خپلو سیسټمونو کې د دې ټکنالوژۍ په عملي ازمویلو بوخت دي. د یاد شرکت لخوا د دې نوښت رسمي امتیاز یا پیټینټ په قانوني توګه ثبت شوی دی.توقع کېږي چې دغه نوي موټرونه به په همدې روان کال کې په رسمي ډول بازار ته وړاندې شي. دا پرمختګ نه یوازې د برېښنايي موټرو بیې په بې ساري ډول کمولی شي، بلکې د نړیوال بازار توازن هم په بشپړ ډول د چین له منګولو باسي او هند ته د نوې برېښنايي ټکنالوژۍ په برخه کې یو بې ساري لوړوالی بښي.